Marku 4:35 - Bhiblia Yo Sawuleka

³⁵ Ngu donedo ditshiku, ni minova, a ti khene kwawe: “He txhatukeni hi ya ka yimwani phuho.”

Marku 4:35 Referans Kwoze

Matewu 8:18

Ngako Jesu a txi wona dibutho da hombe da vathu, va nga ti mu randete, a to gela vagondiswa ti to va txi pinda va txi ya mtxhatuko ka digova.

Luka 8:25

Se a txi khene kwawe: “Kukholwa kwanu ku hani kani?” Vona va to telwa ngu dizowa, ve gelana va txi kha vona: “I mani wu a malatako moya ni linene, si txi mu engisa, kani?”

Luka 8:22

Ka dimwani ditshiku a to wulela ngalavani ni vagondiswa vakwe, se a txi khene kwawe: “He tshawunyeteni digova diya hi ya mtxhatuko ka dona.” Se va to khukha.

Matewu 14:22

Se kunukunuko Jesu a to kurumeta vagondiswa ti to ve wulela ngalavani, ve thangela kuya mtxhatuko, na ene a di ngadi a txi salisana ni dibutho.

Marku 8:13

Se e va leka, a txi engeta e wulela ngalavani, a txi ya mtxhatuko.

Johani 6:25

Se mbimo yi va nga ya mu mana mtxhatuko ka linene, va to womba kwakwe va txi kha vona: “M'gondisi, u bwakile txikhati muni hawa kani?”

Johani 6:17

Se va to kwela ngalavani, veya Kapernawume. Se di to phuma, na Jesu a sinzi kuwuya.

Johani 6:1

Msana keto, Jesu a to tsula mtxhatuko ka Linene la Galileya, li dhanwako kambe ku i Tibheriyadhe.

Marku 6:45

Se Jesu kunukunuko a to kurumeta vagondiswa vakwe ti to ve wulela ngalavani ve thangela veya ka phuho ya mtxhatuko, ka kugwatama ni Bhetsayidha, na ene a di ngadi e tshumeta dibutho.

Marku 5:21

Ngako Jesu a di tshawunyetile kambe ngu ngalava a txi ya mtxhatuko, va to ya tshangana masoni kwakwe vathu votala ngutu, hafuhi ni digova.