Marku 4:34 - Bhiblia Yo Sawuleka

³⁴ Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Marku 4:34 Referans Kwoze

Johani 16:25

Ni mi gete timhaka tiya ngu sidinganiso. Kambe ya ta mbimo yi ni no mbiswa ni txi mi wombawombela ngu sidinganiso, aniko ni na mi zivisa ta Tata, ni txi ti womba ha kubasani.”

Marku 4:10

Ku ti ngako a di phuho, ava va nga ti nayo ni va va digumi ni vambidi va to mu wotisa ngu mhaka ya sidinganiso.

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Matewu 13:34

Totshe timhaka tiya Jesu a ti wombile ngu sifananiso ka dibutho; a ti si va geli txilo, na i si nga ngu sifananiso;

Marku 4:33

E va txhumayela dipswi da Txizimu ngu sidinganiso so tala, nga ti va nga txi sikotisa tona ku di pfisisa.

Johani 10:6

Jesu a va mahete txidinganiso txiya, aniko vona kha va ti pima ti a nga ti lava ku va gela tona.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.