Marku 4:31 - Bhiblia Yo Sawuleka

³¹ Wu fana ni mbewu ya txinapi, ayi i ku ya yidotho ka timbewu totshe ta mafu.

Marku 4:31 Referans Kwoze

Mithumo 19:20

Ngu toneto, Dipswi da Mkoma di ti anda ni kutsaniswa ngu mtamo wa hombe.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Mithumo 5:14

Avale va nga kukholwa ka Mkoma va ti engeteleka ngutu, dibutho da vavamna ni vavasikati.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 53:2

Nguko a humile masoni ka Mkoma nga txiluva, e fana ni m'twi ka mafu a kuoma; asi nga ni wuwono ni kutshura ka hombe; se mbimo yi athu hi nga muwona, kha ha wona kutshura ni kakumweko, kasi ku hi txi mnavela.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Marku 4:30

E engeta kambe a txi khene: “Mfumo wa Txizimu hi na wu fanisa ni txani? Hi na wu kombisa ngu txidinganiso muni kani?

Marku 4:32

Kambe ngako yi di phayilwe, ya kula yi pinda mindonga yotshe ngu kukula, yi va ni madhavi a hombe ahawa ka kuza sinyana sa nzumani si nga aka mtsudini ka yona.”

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”