Marku 4:28 - Bhiblia Yo Sawuleka

²⁸ Mafu mapune ma milisa mbewu. Kukhata kuhuma ditshina ngu msana ku rumbuka diphumbu, se ngu magwito kuvelekwa diphumbu do tala ngu timbewu.

Marku 4:28 Referans Kwoze

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

Matewu 13:26

Mbimo yi fulaho yi nga mila yi txi veleka, ku to humelela nyasavari nene.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Ekleziyaste 3:11

Txi mahile sotshe si di tshurile ngutu, ngu mbimo ya sona; kambe txi vekile timbiluni kwawe kualakanya ka yotshe mbimo; hambi keto, kha ku na m'thu wule a zivako mthumo wu Txizimu txi nga wu maha, kukhukhela makhatoni, kala magwito.

Ekleziyaste 3:1

Sotshe si ni mbimo ya sona, yi si nga emiselwa yona, se ku ni mbimo ya sotshe si si ku hahatshi ka nzuma:

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Genesisi 2:9

Se Mkoma Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa ta tinene ni to biha.

Marku 4:27

Se hambi a di otete mwendo hambi a di wukile, mitshikari ni wusiku, mbewu yona ya mila yi txi kula, na ene asi ti zivi.

Marku 4:29

Se siyalo ngako si di vitute, kunukunuko va wuletisa sikela, nguko se i nyango ya kuelula.”