Marku 4:27 - Bhiblia Yo Sawuleka

²⁷ Se hambi a di otete mwendo hambi a di wukile, mitshikari ni wusiku, mbewu yona ya mila yi txi kula, na ene asi ti zivi.

Marku 4:27 Referans Kwoze

Ekleziyaste 11:5

Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Ekleziyaste 8:17

sekoko ni to wona wotshe mthumo wa Txizimu, ti to m'thu kha sikoti kuziva mthumo wu wu mahwako hahatshi ka ditambo; hambi m'thu a txo thumela ku wu mana, kha na mbi wu mana; hambi ku ngako txhari yi txo kha yona yi nga wu ziva, hambi keto, kha yi na ku wu manela.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Marku 4:26

E engeta a txi khene: “Mfumo wa Txizimu wu fana ni m'thu wu a nga rinza mbewu mafuni.

Marku 4:28

Mafu mapune ma milisa mbewu. Kukhata kuhuma ditshina ngu msana ku rumbuka diphumbu, se ngu magwito kuvelekwa diphumbu do tala ngu timbewu.