Marku 4:24 - Bhiblia Yo Sawuleka

²⁴ A to engeta a txi khene kwawe: “Riyani tinzeve ka ti mi ti engisako. Mpimo wu mi pimelako vamwani ngu wona, na nanu mi na pimelwa ngu wona ngu Txizimu, se mi na engetelwa.

Marku 4:24 Referans Kwoze

Vahebheru 2:1

Ngu toneto, hi fanete kuengisisa ta tinene timhaka ti hi nga tipfa, kasiku hi si timeli nzila.

Luka 8:18

Ngu konaho, ti engiseni kha kwati ati ni mi gelako. Nguko awuwa a ku naso, a na engetelwa; aniko awu a ku si nga naso, a na tekelwa ni si a nga ti si themba ku a naso.”

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

2 Vakorinto 9:6

Zivani tiya: “Awu a phayako sa sidotho, a na elula sa sidotho, awu a phayako sasingi a na elula sasingi nene.”

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

Mavingu 19:27

Ema kuengisa gondo mwanangu, ngako yi txi kuvayilelisa ka mapswi a wuzivi.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

Marku 9:7

Sekoko, ku to humelela direfu, adi di nga ta va fenengeta ngu mtsudi wa dona, se ngu ka dona ku to pfala dipswi di txi kha dona: “Awuwa i Mwanana wangu ni mu randako. Mu engiseni!”

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

Jeremiya 17:21

Mkoma a khene: “Ti woneleni, mi nga rwaleni mirwalo ngu ditshiku da Sabbata, mi nga yi wuleteni Jerusalema ngu sike sa kona.