Marku 4:16 - Bhiblia Yo Sawuleka

¹⁶ Ngu toneto, timbewu ti ti nga phaywa marigwini ngu vale va ku, ngako va di di pfite dipswi, ve kuluveta ku di amukela ngu kutsaka.

Marku 4:16 Referans Kwoze

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Mithumo 8:13

Nene Simoni a to tumela e bhabhatiswa e londeta Filipi. Se a txi xamala ngutu ngu kuwona sikombiso ni sidiwukiso sa hombe si nga ti mahwa.

Mithumo 26:28

Agripa a to khene ka Paulo: “Ngu kadotho u pimisa ti to u nga ni maha mkristu!”

Matewu 13:5

Yimwani mbewu yi to wela ha wukhaloni ka marigwi, ahawa ku nga ti si nga ni mafu amangi; se yi mila ngu txikuluveta, nguko mafu ma ti sa tshima.

Marku 4:15

Ava va ku hafuhi ni nzila, ahawa dipswi di nga phaywa kona, ngu vale va ku, ngako va di di pfite, Sathani e kuluveta a txi ta kwawe, a ta va tekela dipswi di di nga phaywa timbiluni kwawe.

Marku 4:17

Aniko kha va nga ni mikoloti vapune; mba mbimonyana dwe; se ngako dikhombo ni kuxaniswa si txi va humelela, ngu mhaka ya dipswi, va kuluveta ve rereka.