Marku 3:9 - Bhiblia Yo Sawuleka

⁹ Se e gela vagondiswa vakwe ti to ve m'vekela ngalava, kasiku dibutho di si mu kamareti.

Marku 3:9 Referans Kwoze

Johani 6:15

Se ngako Jesu a di woni ti to va na nda ta kuta mu maha mfumeli, a to khukha, da wumbidi, ene ekha, e tsula mmangoni.

Marku 5:30

Kunukunuko Jesu, a di pfite ti to mtamo wule wu humete kwakwe, a to tshembereka a txi wonetela dibutho, a txi khene: “I mani a nga gwesa tinguwo tangu kani?”

Matewu 15:39

Se msana ka kuva a di tshumetile dibutho, a to wulela ngalavani eya ditikoni ka Magadhani.

Marku 4:1

Jesu a to engeta e gondisa hafuhi ni digova, se dibutho da hombe di sengeletana kwakwe, se ene a to wulela ngalavani, ayi yi nga ti digovani e khalahatsha ka yona. Vathu votshe va ti mabambe ka digova.

Marku 4:36

Ku ti ngako va di siyite dibutho, va to mteka ngu ngalava yi ene a nga ti ka yona, se koneho ku ti ti ho timwani tingalava.

Marku 5:2

Ku ti ngako Jesu a di humile ngu ngalavani, konako m'thu wu a nga ti ni moya wa nza mbwa, awu a nga ti huma ngu mayivani, a to mu hingeta.

Marku 6:32

Va to khukha ve tsula ngu ngalava ka wukhalo wa txiwula, vona vokha.

Luka 5:1

Ngako dibutho da vathu di di tshanganile di ranganyeta Jesu, kasiku ve engisa dipswi da Txizimu, mabambe ka digova da Genezareta,

Luka 5:3

Jesu a to kwela ka ngalava yimweyo ya Simoni, a txi mkombela ti to a txi yi susumetela matini; ngu msana a to khalahatsha a txi gondisa mabutho, a di ngalavani.