Marku 3:5 - Bhiblia Yo Sawuleka

⁵ Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Marku 3:5 Referans Kwoze

Luka 6:10

Se a to va wonisisa votshe, a txi gela m'thu wule a txi khene: “Nawuluta diwoko dako.” Ene a to mahisa toneto, se diwoko dakwe di hanyiswa.

Vaefesu 4:18

Mialakanyo yawe yi mtemani, kha va nga ni txyavelo amu ka wutomi wa Txizimu, nguko kwawe kuwalo wuzivi, ni timbilu tawe ti bangi.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Matewu 12:13

Se a to gela m'thu wule a txi khene: “Nawuluta dianza.” Ene a to di nawuluta, di so hanya kufana ni dimwani.

Mtuletelo 6:16

Ve gela mimango ni marigwi va txi: Khundumukani mi txi hi khubhunyeta, mi hi sisa ka khohe ya wu a nga khalahatsha ha txikhaloni ka wukoma, ni ka kuhenya ka Txinvutana,

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Vahebheru 3:17

Mba mani va Txizimu txi nga va henyela mndani ka mune wa magumi a malembe, kani? Ina hi nga vava va nga onha, avava sirumbi sawe si nga sala txiwulani kani?

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

2 Vakorinto 3:14

Aniko, mapimo awe ma to thelwa mphume. Hambi ni nyamsi, mbimo yi va gondako dibhuku da Txitumelelano txa kale, nguwoyo ya txitsivelo yi ngadi zumbile; yona yi thaviswa ngu Kristu dwe.

Johani 9:7

e di gela ku khene: “Tsula u txi ya samba dizivani ka Silowame (ti ti wombako ku ‘Txirumwa’).” Ti di mahile eto, ene a tsute eya samba, se e wuya a txi wona.

Luka 17:14

Ngako a di va woni, a to khene kwawe: “Tsulani mi txi ya ti kombisa ka vaphaxeli.” Se ngako vona va txi tsula, va to maneka va di basisilwe ha nzila.

Luka 13:15

Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Masalmo 95:10

Mune wa magumi a malembe ni swirekile,” niza ni txi khani: “Vathu vava va timbilu tawe ta va timeta, kambe kha va si zivi sileleto sangu!”

Nehemiya 13:8

ti to ni panda ngutu, se ni humisela yotshe thundu ya Tobhiya, ni yi veka hahanze ka nyumba.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Genesisi 6:6

Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe.

Vahebheru 3:10

Ngu toneto, ni nga henyela livelekolo, ni txi khani: ‘Yotshe mbimo, timbilu tawe ta hambuka, vona kha va ti zivi tinzila tangu.’

Marku 3:4

Se a txi khene kwawe: “Ta tumelelwa ngu ditshiku da Sabbata kumaha ta tinene mwendo kumaha to biha kani? Kuponisa wutomi mwendo ku wu lovisa, kani?” Vona va to malala.

1 Samuwele 20:34

Ngu toneto, Jonatani ngu henya ngutu, a to khukha ha mezani, e tshukula ni sakudya ngu ditshiku da wumbidi da kumeka ka mtxima wa wuphya; nguko a ti ti pandiseka ngu mhaka ya Dhavhidha, ngu kule tate wakwe a nga ti mxanisile.