Marku 3:27 - Bhiblia Yo Sawuleka

²⁷ Kha ku na m'thu wu a sikotako kuwulela nyumbani ka ndena eya handa txuma txa yona, a sa thanga ngu ku yi sunga. Ngu kona a no handa nyumbani ka yona.

Marku 3:27 Referans Kwoze

Matewu 12:29

M'thu a nga wulelisa kutxani nyumbani ka ndena, e tekela simaha sa yona, a sa thanga ngu ku yi sunga kani? Ngu kona a no sikota kuhanda sotshe nyumbani.

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Johani 12:31

Se ngu yona yiya mbimo ya kulamulwa ka ditiko. Ngu kona a no tovelwa mfumi wa mafu awa.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”