Marku 3:17 - Bhiblia Yo Sawuleka

¹⁷ ni Jakobe, mwana Zebhedhewu, ni Johani, mwanawe Jakobe; vonavo a va rayile ditina da Bhowanergesi, ati ti wombako ku “Vanana va Txingwalangwanda”;

Marku 3:17 Referans Kwoze

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Marku 14:33

Ene a to teka Pedro ni Jakobe ni Johani e tsula navo. Se e khata kuphatuka tikhana ni kuxaniseka ngutu.

Marku 5:37

Se Jesu kha tumela ti to mmwani e tsula nayo, hahanze ka Pedro ni Jakobe ni Johani, mwanawe Jakobe.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Mithumo 12:1

Ka yona yile mbimo, mfumeli Herodha a to khata kuxanisa vathu vokari va Dibanza.

Johani 21:2

Va ti ka wukhalo wumwewo Simoni Pedro, Tomasi, awu a dhanwako ku i Dhidhimo, ni Nathaniyele, awule i nga ti wa Kana ka Galileya, kumweko ni vanana va Zebhedhewu ni vamwani vagondiswa vakwe va vambidi.

Marku 10:35

Jakobe ni Johani, vanana va Zebhedhewu, va to tshuketela Jesu va txi mu angula ngu mapswi awa: “M'gondisi, hi lava ku u txi hi mahela ati hi no kukombela.”

Marku 9:2

Ku di pindile mtxhanu wa masiku ni dimwedo, Jesu a to teka Pedro ni Jakobe ni Johani, e tsula navo, vona vokha, ka mmango wa kulapha ngutu, se a txi hinduka mmidi wakwe masoni kwawe.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Mtuletelo 10:11

Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”

Matewu 4:21

Se a txi pinda a txi ya masoni, a to wona vamwani va mkoma ni mnanda kambe, Jakobe, mwanana wa Zebhedhewu, ni Johani mnanda wake, mu ka ngalava, va nga ti rungetela tikoka tawe, kumweko ni tate wawe Zebhedhewu. Se e va dhana.

Marku 3:16

A vekile ava va digumi ni vambidi: Simoni, awu a nga raywa ditina daku i Pedro;

Marku 3:18

ni Andreya, ni Filipi, ni Bhartolomewu, ni Matewu, ni Tomasi, ni Jakobe mwana Alfewu, ni Tadhewu, ni Simoni Mukanana,

Luka 9:54

Va di woni tiya vagondiswa Jakobe ni Johani, va to kha vona: “Mkoma, wa ti lava hi rumela mndilo wu txi txhika ngu nzumani wuta va fuvisa kani?”