Marku 3:10 - Bhiblia Yo Sawuleka

¹⁰ Nguko a di hanyisile vathu votala, votshe va va nga ti ni wulwati, va ti ti rinza kwakwe, kufela ku mu gwesa.

Marku 3:10 Referans Kwoze

Marku 6:56

Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

Matewu 14:36

Se va txi mkombela ti to e va tumelela kugwesa hambi tshoka ya nguwo yakwe dwe; se votshe va va nga m'gwesa, va to hanyiswa.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Luka 7:2

Mmweyo wa nduna ya dizana, a ti ni txithumi, a nga ti txi dhunda ngutu, atxiya txi nga ti lwala, txi di hafuhi ni kufa.

Vahebheru 12:6

Nguko Mkoma a kawuka m'thu wu a mrandako, ni kutsayisa mwanana wuhi ni wuhi, a mu amukelako.”

Marku 5:34

“Mwanangu, likholo lako li ku hanyisile, tsula ngu kuthutha, thuseka ka malwati ako.”

Matewu 14:14

Se a di humile ngu ngalavani, Jesu a to wona dibutho da hombe da vathu, se e va pfela wusiwana, a txi hanyisa valwali vawe.

Matewu 12:15

Jesu a di ti zivile, a to khukha ka wukhalo wule. Vavangi va to mu londetela, se ene e va hanyisa votshe,

Mitengo 11:33

Mbimo si va nga txidya, nyama yi ti mu makwasani, Mkoma a to kukumuka ngu kuhenya. Mkoma a to limata vathu ngu dikhombo da hombe.

Genesisi 12:17

Aniko Mkoma a to rumela makhombo a hombe ka Faro, kumweko ni ka m'ti wakwe, ngu mhaka ya Sarayi, msikati wa Abramu.

Marku 8:22

Se a to hoka Bhetsayidha; ve mtisela dibhofu, ve mkombela ti to e di gwesa.

Luka 5:3

Jesu a to kwela ka ngalava yimweyo ya Simoni, a txi mkombela ti to a txi yi susumetela matini; ngu msana a to khalahatsha a txi gondisa mabutho, a di ngalavani.

Luka 6:19

Dibutho dotshe di ti lava ku mu gwesa, nguko mtamo wu ti huma ngu kwakwe, wu txi va hanyisa votshe.

Luka 7:21

Ka txonetxo txikhati, Jesu a txi hanyisa votala ka malwati ni ka mipando ni ka mimoya yo biha, e ninga kuwona ka mabhofu.