Marku 2:8 - Bhiblia Yo Sawuleka

⁸ Jesu kunukunuko a to tiziva ngu moya wakwe ati va nga txi alakanya timbiluni kwawe, se a txi va gela ku khene: “Mi alakanyela txani toneto timbiluni kwanu kani?

Marku 2:8 Referans Kwoze

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Johani 6:64

Kambe hagari kwanu vaho va, va si kholwiko.” Kha ditshuri, Jesu a txi tiziva kukhukhela makhatoni ti to mbamani ava va si kholwiko, ni ti to i mani wu a no mningela.

Luka 24:38

Se ene a to va gela a txi khene: “Mi thava txani, kambe mi kana-kana ngu txani timbiluni kwanu kani?

Luka 6:8

Kambe Jesu a txi yi ziva mialakanyo yawe, a to khene ka m'thu wu wo khwanyela diwoko: “Khukha u txi ema hawa hagari.”

Luka 5:22

Kambe Jesu, ngu kuziva mialakanyo yawe, a va xamute a txi khene: “Mi ngungurukelela txani timbiluni kwanu kani?

Matewu 9:4

Se ngako Jesu a di woni mialakanyo yawe, a to khene: “Njani mi pimisa kubiha timbiluni kwanu kani?

Ezekhiyele 38:10

Mkoma Txizimu a khene: Se ku na maheka ka dona ditshiku dile taku, u nave ni kualakanyela mbiluni kwako, se u na ziva zumbelo yo biha.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Mavingu 24:9

Mapimo a txiphukuphuku nja kuonho dwe, kambe mtseketseli njinyenyeko ka vathu.

Mavingu 15:26

Mipimiso ya wo biha njinyenyeko ka Mkoma, aniko mapswi a vale va nga basa, ma mtsakisa.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Matewu 12:15

Jesu a di ti zivile, a to khukha ka wukhalo wule. Vavangi va to mu londetela, se ene e va hanyisa votshe,

Matewu 16:7

Se vona ve kombisana va txi kha vona: “Mwendo ngu kuwa hi nga mbi teka mapawu.”

Marku 2:7

“A wombisa tiya ngu txani kani? Wa ruka. I mani a sikotako kudivalela sionho hahanze ka Txizimu kani?”

Marku 2:9

Ngu tihi ti nga hehuka kuwomba ka wu wa kuoma sihango: Ku khani, ‘sionho sako si divaletwe’, mwendo ku khani, ‘Khukha u txi teka ditaho dako u txi tsimbila kani?’