Marku 2:7 - Bhiblia Yo Sawuleka

⁷ “A wombisa tiya ngu txani kani? Wa ruka. I mani a sikotako kudivalela sionho hahanze ka Txizimu kani?”

Marku 2:7 Referans Kwoze

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Luka 5:21

Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Luka 7:49

Kunukunuko, ava a nga ti navo ha mezani ka sakudya va to womba timbiluni kwawe va txi kha vona: “I mani ene wu a sikotako ni kudivalela vathu sionho sawe kani?”

Masalmo 130:4

Aniko awe wa ziva kudivalela, kasiku athu hiva ni txithavo.

Jobe 14:4

(I mani wa wubihi waku a nga humisa so tshura kani? Lambi ni wammweyo!)

Johani 10:33

Vajudha va to xamula, va txi kha vona: “Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.”

Marku 14:64

Mi txi engisile txiruko! Mi wona to txani kani?” Votshe va to lamula ti to ene a fanetwe ngu kufa.

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Matewu 9:3

Konaho, vamwani vabhali va to alakanya timbiluni kwawe va txi kha vona: “Awu m'thu wa ruka.”

Johani 10:36

Ka wule a nga sawulekiswa e rumwa ngu Txizimu ha ditikoni, anu mi khanu: ‘Awe wa ruka!’ Nguko ni nga khani: ‘Ni Mwanana wa Txizimu’, kani?

Marku 2:6

Kambe vabhali vokari va ti zumbile konaho, va txi pimisa timbiluni kwawe, va txi kha vona:

Marku 2:8

Jesu kunukunuko a to tiziva ngu moya wakwe ati va nga txi alakanya timbiluni kwawe, se a txi va gela ku khene: “Mi alakanyela txani toneto timbiluni kwanu kani?