Marku 2:5 - Bhiblia Yo Sawuleka

⁵ Jesu ngu ku ona kukholwa kwawe, a ti khene ka mlwali: “Mwanangu, u divaletwe sionho sako.”

Marku 2:5 Referans Kwoze

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Jakobe 5:15

Mkombelo wa likholo wu na hanyisa mlwali e mana kuamukelwa ngu Mkoma. Se, hambi a di mahile sionho, si na divalelwa.

Matewu 9:22

Jesu a txi tshembereka e mu wona, a to khene kwakwe: “Tsanisa mbilu, mwanangu, likholo lako li ku hanyisile.” Se wamsikati a to hanyiswa ka malwati akwe ka yona yile mbimo.

Vaefesu 2:8

Nguko mi hanyisilwe ngu mhaka ya tikateko ni kukholwa. Aniko hi nga ta kumahwa ngu mtamo wathu, njiningo txa Txizimu.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Luka 5:20

Jesu, ngako a txi wona likholo lawe, a to womba a txi khene: “Mwanathu, u divaletwe sionho sako.”

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

2 Vakorinto 2:10

Ka wule mi m'divalelako, nani na m'divalela. Nguko, ni txi divalela, ngako ku di ni to divalela, ni ti maha ngu kota yanu, masoni ka Kristu.

1 Vakorinto 11:30

Ngu toneto, hagari kwanu ku ni vo ti bikabika, ni valwali, ni vamwani votala va fite.

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Luka 8:48

Se Jesu a txi khene kwakwe: “Mwanangu, kutumela kwako ku ku hanyisile; tsula ngu kudikha.”

Marku 5:34

“Mwanangu, likholo lako li ku hanyisile, tsula ngu kuthutha, thuseka ka malwati ako.”

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Matewu 9:5

Kasi ngu tihi ti nga hehuka: Kuwomba ku ‘sionho sako si divaletwe’ mwendo ku ‘khukha u txi tsula kani?’

Marku 2:6

Kambe vabhali vokari va ti zumbile konaho, va txi pimisa timbiluni kwawe, va txi kha vona: