Marku 2:27 - Bhiblia Yo Sawuleka

²⁷ Se a txi khene kwawe: “Sabbata yi mahetwe m'thu, hi nga m'thu a nga mahelwa Sabbata.

Marku 2:27 Referans Kwoze

Vakolosa 2:16

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata.

Luka 6:9

Sekoko a to khukha a txi ema. Jesu a to khene kwawe: “Na mi wotisa ti to ngu ditshiku da Sabbata ku lulamile kumaha tihi kani, kumaha ta tinene mwendo kumaha ta walo; kuhanyisa m'thu mwendo ku mu lovisa kani?”

Dhewuteronome 5:14

Ditshiku da wutxhanu ni mambidi, i Sabbata ya Mkoma, Txizimu txako; khu na mbi maha ni wawumwewo mthumo, awe ni mwanana wako, wa mfana mwendo wa dihorana, ni khumbi yako, ya wamwamna mwendo ya wamsikati, ni homu yako, ni mbongola yako, ni txihari txokari txako, ni mluveli wu a ku m'tini kwako. Ngu kumaha keto, khumbi yako ya wamwamna mwendo ya wamsikati, va na sikota kuhumula ni vona kufana ni nawe.

Ezekhiyele 20:12

Kambe ni va ningile Masabbata angu, kasi ku ma txi maha txikombiso hagari kwangu navo, va na tiziva taku ani ngani Mkoma, ni va sawulekisako.

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Ezekhiyele 20:20

Se sawulekisani Masabbata angu, kasi kumaha txikombiso hagari kwangu ni nanu, mi na ziva ti to ani ngani Mkoma, Txizimu txanu.

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Johani 7:23

Sekoko, ngako m'thu a yiswako wukwerani ngu Sabbata, ti txi maneka i si nga kundaka Mlayo wa Mosi, mi ni henyela ngu txani, ngako ni di hanyisile m'thu, mmidi wakwe wotshe, ngu Sabbata kani?

2 Vakorinto 4:15

Totshelele tiya ti mahilwe ngu mhaka yanu, kasiku kateko ya Txizimu yi txi manela vathu vavangi; se vona ve ninga mibongo yayingi, kasi ku txi na dhumiswa Txizimu.

Dhewuteronome 5:12

U na vekisa ditshiku da Sabbata u txi di sawulekisa, nga ti a nga ku leletisa tona Mkoma, Txizimu txako.

Marku 2:28

Ngu konaho, Mwanana wa M'thu Mkoma wa yona Sabbata kambe.”