Marku 2:24 - Bhiblia Yo Sawuleka

²⁴ Vafarisi va to mu gela va txi kha vona: “Hinga wona, va mahela txani ati ti si tumelelwiko kumaha ngu ditshiku da Sabbata, kani?”

Marku 2:24 Referans Kwoze

Eksodha 20:10

Aniko ka ditshiku da wutxhanu ni mambidi, ditshiku da Sabbata da Mkoma Txizimu txako. U nga thume mthumo ngu ka dona ditshikudo, awe ni mfana wako, ni dihorana dako, ni txithumi txako txa wamwamna ni txa wamsikati, hambi ni txifuyo txako, ni mpfhumba wule a ku ha m'tini kwako.

Vahebheru 12:3

Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Matewu 12:2

Aniko mbimo yi Vafarisi va nga ti wona, va to mu gela va txi kha vona: “Hinga wona, vagondiswa vako va maha ti ti si dinganiko kumahwa ngu Sabbata.”

Marku 2:16

Kambe ngako vabhali va mtxawa wa Vafarisi, ve mu wona a txi dya kumweko ni vakhupisi ni vaonhi, va to kha vona ka vagondiswa vakwe: “Nji txani a txi dya kumweko ni vakhupisi ni vaonhi kani?”

Marku 2:7

“A wombisa tiya ngu txani kani? Wa ruka. I mani a sikotako kudivalela sionho hahanze ka Txizimu kani?”

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Isaya 56:6

Ni ka vanana va valuveli va va no ti ningela ka Mkoma, kasi ku mthumela, ni kudhunda ditina da Mkoma, ngu kumaha keto, veva sithumi sakwe, votshe vale va no xayisa Sabbata, va si yi nyamisi, ni vale va no amukela txitumelelano txangu,

Isaya 56:4

Nguko Mkoma a womba tiya madingano ni Mithenwa yile yi xayisako Masabbata angu, yi sawulako sile si ni tsakisako, yi xayisa txitumelelano txangu.

Isaya 56:2

A katekile m'thu wu a no maha eto, ni mwanana wa m'thu wule a namarelako ka tona, a si nyamisiko ditshiku da Sabbata, ni kuxayisa dianza dakwe ku di si mahi to biha.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Marku 2:25

Ene a ti khene kwawe: “Kha mi nzi kugonda tiya Dhavhidha a nga mahisa tona, mbimo yi a nga khamwa a txi pfa nzala, ene ni vale a nga ti navo kani?