Marku 2:20 - Bhiblia Yo Sawuleka

²⁰ Aniko ma nata masiku awa ti nota tekelwa mteki, se ngu kona ti na ku ta ti tona sakudya.

Marku 2:20 Referans Kwoze

Luka 17:22

Se a txi khene ka vagondiswa vakwe: “Yi nata mbimo yi mi no lava kuwona hambi dimwedo ka masiku a Mwanana wa M'thu, aniko kha mi na mbi di wona.

Mtuletelo 21:9

Msana keto, yimweyo ka tingelozi ta mtxhanu ni timbidi, ti nga ti ni magombe a mtxhanu ni mambidi, ma di tate ngu mtxhanu wa mitungu ni yimbidi yo gwitisa, yi to ni tela yi ta ni gela yi txi kha yona: “Ngono ni ta kukomba txiwutwa, msikati wa Txinvutana!”

Mtuletelo 19:7

He nengeleni hi txi tsaka ngutu, hi txi pfalisa Txizimu, nguko yi hokile mbimo ya ntxhadho wa Txinvutana. Txiwutwa txa Txinvutana, txi ti lulamisete:

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

2 Vakorinto 11:2

Na lusa ngu nganu, ngu txiluse txa Txizimu, nguko ni mi ningete mi wutwa ngu mwamna mmweyo, kasiku ni txi mi yisa ka Kristu nga timbiri to basa.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Mithumo 3:21

awu nzuma yi fanelako ku mu amukela, kala kuza kuhoka mbimo ya kuwuseta sotshe si Txizimu txi nga si womba ngu sisofu sa votshe vaprofeti va txona vo sawuleka, va kale ni kale.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Johani 17:13

Se konkuwa ni ta kwako, aniko ni womba timhaka tiya ni di ngadi ha mafuni, kasiku, kutsaka kwangu ku va kwawe ngu kutatiseka.

Johani 17:11

Ani kha ni nga ngadi ha ditikoni, kambe vona va ngadi sate ha ditikoni, se ani ni ta kwako. Tate wa kusawuleka, va xayise ditinani kwako, ava u nga ni ninga, kasiku va na maha mmweyo, nga athu hi ku mmweyo.

Johani 16:28

Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”

Johani 16:7

Aniko ani na mi gela ditshuri: Ndi nene kwanu ku ani ni tsula, nguko ku nga tiya ni si tsuli, Mthaveleli kha na mbi ta kwanu; ngako ni txi tsula, ni na ya m'rumela kwanu.

Johani 13:33

Vanangu: Ani ni ngadi ni nanu txikhatianyana txidotho. Mi na ni lava, aniko, nga ti ni nga wombisa tona ka Vajudha, na nanu konkuwa na mi gela ku khani: ‘Ahawa ani ni yako kona, anu kha mi sikoti kuta kona.’

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Matewu 26:31

Sekoko, Jesu a to va gela a txi khene: “Ka wona wuwa wusiku, mi na khuveka motshenu ngu mhaka yangu, nguko kubhatwe ku kha vona: ‘Ni na peka m'dyisi, se tinvuta ta mtxhambi ti na hangalaka.’

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Isaya 62:5

Nguko nga kule dijaha di tekanako ni muhorana, ngu toneto ni vona vanana vako, va na tekana ni nawe; kufana ni muwuti a tsakako ni txiwutwa, ngu toneto Txizimu txako txi na tsaka ni nawe.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

2 Vakorinto 6:5

Ni mu ka kukwapwa, ni mu ku khotelwani, ni mu ka kulwiswani, ni mu kuthumiswani, ni mu kuwonelelani, ni mu kutitonani ka sakudya,

Johani 12:8

Nguko sikulungu si ni nanu otshe masiku, aniko ani kha mi nga ni nani otshe masiku.”

Matewu 9:15

Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

Marku 2:19

Se Jesu a to khene kwawe: “Tipheleketi ta mteki, ina ti nga sikota kutitona sakudya, na mteki a di ngadi kumweko nato kani? Ka yotshe mbimo yi ti ku ngadi nayo, kha ti na kutitona sakudya.

Marku 2:21

Kha ku na m'thu wu a rungako txiziva txa nguwo ya yiphya ka txyambalo txa kale, nguko txiziva txa txiphya txi nga namula nguwo ya kale, se kuvharuka ku txi engeteleka.

Luka 5:35

Kambe ya ta mbimo, ayi mteki a no thaviswa kwawe; keyo mbimo ngu kona va no sikota kutitona sakudya.”