Marku 2:18 - Bhiblia Yo Sawuleka

¹⁸ Vagondiswa va Johani ni Vafarisi va ti ti tona sakudya. Se ve ta ka Jesu, va txi ta kha vona kwakwe: “Ngu kutxani vagondiswa va Johani ni Vafarisi va ti tonako sakudya, na kuve vagondiswa vako kha va ti toni, kani?”

Marku 2:18 Referans Kwoze

Luka 18:12

Na ti tona sakudya kambidi ngu divhiki, na humisa sa wugumi ka sotshe si ni ku naso.’

Matewu 6:18

kasi u si woneki ka vathu ti to u ti tonile sakudya, aniko ti na ziwa ngu Tate wako a ku kusisalani, se Tate wako awu a wonako sa kusisalani, a na kutshumetela.”

Matewu 6:16

“Ngako mi txi ti tona sakudya, mi nga kombiseni kuthuvika khoheni, nga vaxengeteli, ava va thuvikako khoheni kwawe, kasiku va na woneka ka vathu ti to va ti tonile sakudya. Kha ditshuri na mi gela ti to va amukete ditshungulo dawe.

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Matewu 23:5

Totshe ti va ti mahako, va ti mahela kasi kuwonwa ngu vathu. Ngu toneto, va dhunda kusunga ha mbanza mwendo mawokoni kwawe titxinda ta kuanama, ku di bhatwe mapswi a mlayo mndani ka tona ni kulaphisa titxinda ta tinguwo tawe.

Marku 2:19

Se Jesu a to khene kwawe: “Tipheleketi ta mteki, ina ti nga sikota kutitona sakudya, na mteki a di ngadi kumweko nato kani? Ka yotshe mbimo yi ti ku ngadi nayo, kha ti na kutitona sakudya.