Marku 2:17 - Bhiblia Yo Sawuleka

¹⁷ Jesu ngako a txi tipfa eto, a to khene kwawe: “Ava va hanyako kha va lavi ñanga, aniko yi lawa ngu va va lwalako. Ani kha na tela ku ta dhana va vo lulama, aniko ni tete vona vaonhi.”

Marku 2:17 Referans Kwoze

Luka 15:7

Na mi gela ku khani, kufana ni toneto, nzumani ku nava ni litsako la hombe ngutu ngu mhaka ya muonhi mmweyo a nga hunduluka, kupinda litsako la kutsakela mtxhanu wa magumi ni mune ni mtxhanu ni mune wa vathu va kululama, va si faneliko kuhunduluka.”

Luka 19:10

Nguko kunene Mwanana wa M'thu a tete ku ta lava ni kuhanyisa ava va nga ti mwalate.”

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Johani 9:40

Se Vafarisi vokari, va nga ti kumweko nayo, ngako va di engisile tiya, va to mu wotisa, va txi kha vona: “Ina hi mabhofu nathu kani?”

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

Luka 15:29

Kambe ene a xamute ka tate wakwe, a txi khene: ‘Malembe amangi ni ku thumelako, kha ni zivi kundaka ni wumwewo ka milayo yako, kambe khu zivi ku nga ni ninga phongo ni txi busa ni vangana vangu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Johani 9:34

Se vona va txi mu angula, va txi kha vona: “U veleketwe txionhoni, ngu wutumbu wako wotshe, se u lava ku hi gondisa kani?” Konaho va to mu humisa hahanze.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?