Marku 2:13 - Bhiblia Yo Sawuleka

¹³ Jesu a to engeta e khukha, a txi ya diphambo da digovani, dibutho da vathu votshe veya kwakwe, se e va gondisa.

Marku 2:13 Referans Kwoze

Marku 4:1

Jesu a to engeta e gondisa hafuhi ni digova, se dibutho da hombe di sengeletana kwakwe, se ene a to wulela ngalavani, ayi yi nga ti digovani e khalahatsha ka yona. Vathu votshe va ti mabambe ka digova.

Luka 21:38

Se votshe vathu va ti vindukela ve ta kwakwe, Dithepeleni, kasi ku ta mu engisa.

Luka 19:48

Aniko ve tandeka kumana nzila yo ti maha eto, nguko votshe vathu va ti namarete ka mapswi akwe, va txi mu engisa.

Marku 2:2

Vathu vavangi va to kuluveta ve sengeletana konaho, ahawa koza ku txi pwateka ni wukhalo ha txikeni. Jesu a ti ti va txhumayela dipswi da Txizimu.

Marku 1:45

Kambe ene, neti a nga huma, a to khata kuhuwelela, asi malali, e hangalasa mahungu ale, se Jesu e tandeka ni kuwulela ka m'ti wuhi ni wuhi, na ti txi ziwa; aniko a ti zumbela hahanze, ekhalela, se vathu ve huma ngu ka otshe makhalo ve ta kwakwe.

Matewu 13:1

Ka dile ditshiku, Jesu a to huma ngu nyumbani eya khalahatsha hafuhi ni linene.

Matewu 9:9

Ngako Jesu a txi ya masoni, a to wona m'thu a nga ti dhanwa ku i Matewu, awu a nga ti khalahatshile ha wukhaloni ka kukhupisa, se a txi khene kwakwe: “Ni londise!” Se ene a to khukha e mu londisa.

Marku 10:1

Jesu ku ti ngako a di khukhile koneho, eya ditikoni ka Judheya, mtxhatuko ka Jordhani, vathu vavangi va to ta sengeletana kwakwe.