Marku 2:1 - Bhiblia Yo Sawuleka

¹ Ku ti ngako ma di pindile masiku, Jesu a to tshumela e wulela Kapernawume, se ti txi pfala ti to ene a nyumbani.

Marku 2:1 Referans Kwoze

Johani 4:47

Nduna yiya, ngako yi di engisile ti to Jesu wata Galileya ngu Judheya, yi to mu yela yi ya mkombela ku e tsula nayo m'tini ka yona, a txi ya hanyisa mwanana wa yona, a nga ti hafuhi ni kufa.

Marku 7:24

Ngako a txi khukha konaho, a to ya ditikoni ka Tiro ni Sidhoni. Se e ta wulela nyumbani kokari, na asi ti lavi kuziwa ngu m'thu, aniko a tandekile ku ti sisa.

Luka 5:18

Vavamna vokari, va di rwate ngu didhando m'thu wa kuoma sihango, va ti ti zama ku mu wuletisa nyumbani, kasi kuya mu veka masoni ka Jesu.

Marku 1:45

Kambe ene, neti a nga huma, a to khata kuhuwelela, asi malali, e hangalasa mahungu ale, se Jesu e tandeka ni kuwulela ka m'ti wuhi ni wuhi, na ti txi ziwa; aniko a ti zumbela hahanze, ekhalela, se vathu ve huma ngu ka otshe makhalo ve ta kwakwe.

Matewu 9:1

Se ngako Jesu a txi wulela ngalavani, a to tshumela e txhatuka mnambo, a txi wuya didhoropani kwawe.

Mithumo 2:6

Txikhati txile va nga engisa diguwa dileya da txihuhuri, vathu va to sengeletana wukhalo wumwewo, ve tala ngu kuxamala, nguko mmwani ni mmwani a ti ti va engisa va txi womba-womba ngu lidimi la ka kwawe.

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

Marku 2:2

Vathu vavangi va to kuluveta ve sengeletana konaho, ahawa koza ku txi pwateka ni wukhalo ha txikeni. Jesu a ti ti va txhumayela dipswi da Txizimu.

Marku 3:20

Jesu a to wuya m'tini, se dibutho di tshumela di ta sengeletana konaho, ahawa ka kuza ve tandeka ni kudya sakudya.

Marku 7:17

Ku ti ngako a di wulete nyumbani, e siya dibutho, vagondiswa vakwe va to mu wotisa ngu txifaniso txiya.

Marku 9:28

Ku ti ngako Jesu a di wulete nyumbani, vagondiswa vakwe va to mu wotisa va di vokha, va txi kha vona: “Athu hi tandekisile kutxani ku wu tovela kani?”

Luka 4:23

Ene a to va gela a txi khene: “Ngu ditshuri mi na womba kwangu divingu di diku: ‘Ñanga, ti hanyise upune.’ Totshe ti hi nga tipfa va txi kha vona u ti mahile Kapernawume, ti mahe ni kona muwa ditikoni kwanu.”