Marku 16:9 - Bhiblia Yo Sawuleka

⁹ Ngako a di wukile ni mixo ya ditshiku do khata ka divhiki, a to thanga e woneka ka Mariya wa Magdhala, awu a nga ti tovete kwakwe mtxhanu wa madhimoni ni mambidi.

Marku 16:9 Referans Kwoze

Luka 8:2

Vapostoli va Digumi ni Vambidi va ti kumweko nayo, kufana ni vavasikati vokari, va nga ti hanyisilwe ka mimoya yo biha ni ka mipando. Ka vona ku ti ni Mariya, a dhanwako ku mbwa Magdhala, awu ma nga humiswa kwakwe mtxhanu wa madhimoni ni mambidi;

Johani 20:12

e wona tingelozi timbidi, ti di ambate so basa, na ti di khalahatshile ka wukhalo wuwa txirumbi txa Jesu txi nga ti otelisilwe kona, yimweyo yi di ngu misungoni, yimwani yi di ngu minengeni.

Marku 15:47

Mariya wa Magdhala ni Mariya, mame wa Joseti, va to wonisisa ahawa va nga mu kelela kona.

Luka 24:10

Ava va nga bikela Vapostoli timhaka tiya, i ti Mariya wa Magdhala ni Jowana, ni Mariya, mame wa Jakobe ni vamwani va nga ti navo.

Matewu 27:56

Hagari ka vona, a ti ti ho Mariya wa Magdhala, ni mmwani Mariya, mame wa Jakobe ni Josefa, ni mame wa vanana va Zebhedhewu.

Marku 15:40

Va ti ti ho kambe vavasikati va nga txi wonetela va di kule; hagari ka vona a ti ti ho Mariya wa Magdhala ni Mariya, mame wa Jakobe wam'dotho, ni Joseti ni Salome.

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

1 Vakorinto 16:2

Ngu ditshiku do khata ka divhiki, mmweyo ni mmweyo kwanu, m'tini kwakwe, a na phawuse e veka ngu phuho asi a nga sikota kusiyeta, kasiku mi si rinzeli kuta senga ni di bwakile.

Mithumo 20:7

Ka ditshiku do khata ka divhiki, hi ti tshanganile kasiku hi bhandelana dipawu. Paulo, awu a nga ti fanela kukhukha e tsula mangwanani ka kona, ene a ti ti bhula navo va Trowasi. A to laphisa kuwombawomba kwakwe navo, kuza kuya hoka dhina ya wusiku.

Marku 16:8

Vona va to huma diyivani, ve tutuma ngu kudhudhumela ni kuxamala; kha va gela txilo m'thu, nguko va ti thava.

2 Vafumeli 5:4

Sekoko Nahanani a to ya khene ka mfumeli: Dihorana dokari da ku ta ngu Israyeli, di wombile ti, ni tile.