Marku 16:6 - Bhiblia Yo Sawuleka

⁶ Kambe dijaha di to va gela di txi kha dona: “Mi nga dhukeni! Mi lava Jesu wa Nazareta, awu wo bethelwa ha txihambanoni: A wukile, kha nga ho hawa. Wonani wukhalo wu va nga ti mu vekile ka wona.

Marku 16:6 Referans Kwoze

Luka 24:46

Se a txi khene kwawe: “Ti bhatwe ti to Mesiya a ti fanela kuxaniseka, a txi wuka ngu hagari ka vakufa ngu ditshiku da wuraru,

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Marku 10:34

Va na mu poyilela ve mu thurela lure, ve mu kwapela ni ku m'daya, aniko msana ka masiku mararu, a na tshumela a txi wuka.”

Marku 1:27

Se votshe va txi diwuka ngutu, va txi wotisana va txi kha vona: “Nji txani txiya kani? I gondo ya yiphya! Hambi mimoya ya nzambwa ene a yi dhusa ngu mtamo, yi txi mu engisa!”

Marku 9:15

Ngako dibutho di txi wona Jesu, di to xamala ngutu, se ve mu tutumela kuya mlosa.

Marku 14:33

Ene a to teka Pedro ni Jakobe ni Johani e tsula navo. Se e khata kuphatuka tikhana ni kuxaniseka ngutu.

Mithumo 2:24

Aniko Txizimu txi mwusile ngu ka vo fa, txi txi m'hulukisa ka sixaniso sa lifo, ngako ti nga ti si koteki ti to e zumba a di ñotwe ngu lifo.