Marku 16:5 - Bhiblia Yo Sawuleka

⁵ Va di wulete diyivani, va to wona dijaha di di khalahatshile, didhawa da txinene, di di ambate nguwo yo basa, se ve xamala ngutu.

Marku 16:5 Referans Kwoze

Johani 20:8

Sekoko mgondiswa wule mmwani a nga thanga ene e hoka diyivani, nene a wulete, a txi ti wona, se a txi kholwa.

Matewu 28:3

Khohe ya yona yi ti khetima nga kukeluka ka nzuma, se tinguwo ta yona ti ti basile kufana ni hunguva.

Luka 1:12

Ngako a txi yi wona, Zakariya a to wika msana, a txi telwa ngu dizowa.

Marku 9:15

Ngako dibutho di txi wona Jesu, di to xamala ngutu, se ve mu tutumela kuya mlosa.

Dhaniyeli 10:12

Sekoko a to khene kwangu: U nga thave, Dhaniyeli, nguko kukhukhela ditshiku do khata u nga tsanisa mbiluni kwako, kupfisisa ni kutiveka hahatshi masoni ka Txizimu txako, txi engisile kukombela kwako; se ani ni tile ngu mhaka ya mapswi ako.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.

Marku 1:27

Se votshe va txi diwuka ngutu, va txi wotisana va txi kha vona: “Nji txani txiya kani? I gondo ya yiphya! Hambi mimoya ya nzambwa ene a yi dhusa ngu mtamo, yi txi mu engisa!”

Marku 14:33

Ene a to teka Pedro ni Jakobe ni Johani e tsula navo. Se e khata kuphatuka tikhana ni kuxaniseka ngutu.

Marku 16:4

Se ngako va di gute maso, va to wona dirigwi di di wumbulutilwe, kuve dona i ti da hombe ngutu.