Marku 16:20 - Bhiblia Yo Sawuleka

²⁰ Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Marku 16:20 Referans Kwoze

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Mithumo 5:12

Ku ti mahwa sikombiso ni sidiwukiso sasingi hagari ka vathu ngu manza a vapostoli. Otshe makholwa ma ti tshangana m'hubheni ka Solomoni, ngu mpatano wa lirando.

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Luka 1:1

Vathu vavangi va duketile kuxawutela ngu mibhalo mahungu awa ma nga humelela hagari kwathu;

Luka 1:2

avava va nga hi xawutela tona ngu vale, kukhukhela makhatoni, va nga ti wona ngu maso awe, na kambe i di vatxhumayeli va Dipswi.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,