Marku 16:19 - Bhiblia Yo Sawuleka

¹⁹ Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Marku 16:19 Referans Kwoze

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Johani 6:62

Se mi na txani, mbimo yi mi no wona Mwanana wa M'thu a txi kwela e tsula muwa a nga ti kona kukhatani, kani?

Luka 9:51

Ngako ma txi hoka masiku a kuguletwa kwakwe, Jesu a to tsana a txi teka nzila ya kuya Jerusalema.

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vahebheru 4:14

Aku athu hi ku ni mphaxeli wa hombe, awu a nga dhawula makenekene a txi ya huma nzumani, Jesu Kristu, Mwanana wa Txizimu, hi fanete kuva ni likholo la kutsana.

Mithumo 3:21

awu nzuma yi fanelako ku mu amukela, kala kuza kuhoka mbimo ya kuwuseta sotshe si Txizimu txi nga si womba ngu sisofu sa votshe vaprofeti va txona vo sawuleka, va kale ni kale.

Johani 21:22

Jesu a to khene kwakwe: “Ngako ni txi lava ku a na zumbe kala ni wuya, ku nga va i di txani kwako kani? Awe ni londise!”

Johani 21:15

Ngako va di gwitile kudya, Jesu a to wotisa ka Simoni Pedro, a txi khene: “Simoni, mwana Johani, awe wa ni randa kupinda vava kani?” Ene a xamute, a txi khene: “Mkoma, wa tiziva ti to ani na kuranda.” Jesu a to mu gela, a txi khene: “Dyisa tinvuta tangu.”

Johani 17:13

Se konkuwa ni ta kwako, aniko ni womba timhaka tiya ni di ngadi ha mafuni, kasiku, kutsaka kwangu ku va kwawe ngu kutatiseka.

Johani 16:28

Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Luka 22:69

Aniko kukhukhela ka yona yiya mbimo, Mwanana wa M'thu a na ya khalahatsha txineneni ka Txizimu txa mtamo wotshe!”

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”