Marku 16:18 - Bhiblia Yo Sawuleka

¹⁸ va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Marku 16:18 Referans Kwoze

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Mithumo 19:12

Ahawa ka kuza vathu ve teka mafadhuko ni tinguwo ti ti nga ti gwesile mmidi wakwe, ve ti kapeka txitimwi ka valwali, se vona ve kalamuka ka malwati awe, ni mimoya yo biha yi huma kwawe.

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Mithumo 3:16

Ngu kukholwa ditinani ka Jesu, ngu dona ditina dakwe di nga tsanisa m'thu wuwa mi mu wonako ni ku m'ziva; se likholo liya ngu lona li nga mu hanyisa ngu ditshuri masoni kwanu motshenu.”

Mithumo 9:34

Se Pedro a txi khene kwakwe: “Eneyasi! Jesu Kristu wa kuhanyisa, wuka u txi peta ditaho dako.” Kunukunuko a to wuka.

Mithumo 3:12

Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”

Marku 5:23

a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

Masalmo 91:13

U na kandetela ngonyamo ni mnyoka; ni kukandetela ngu mikondo txingonyamwana ni mnyoka.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

1 Vakorinto 12:9

mmwani a ningwa kukholwa ngu Moya wu wawumwewo; mmwani wa ningwa ngu wona Moya wu wawumwewo txihiwa txa kuhanyisa valwali;

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Mithumo 4:22

Nguko m'thu wu a nga hanyiswa ngu txixamalisotxo i ti wa malembe awa ma pindako mune wa magumi.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”