Marku 16:1 - Bhiblia Yo Sawuleka

¹ Ngako ditshiku da Sabbata di di pindile, Mariya wa Magdhala ni Mariya, mame wa Jakobe, ni Salome, va to xava mafura kasiku veya mu tota ngu ona.

Marku 16:1 Referans Kwoze

Luka 23:56

Se va di wuyile, va to longela makha ni mafura o bhumula. Se ngu ditshiku da Sabbata va to humula, nga kuruma ka Mlayo.

Marku 15:40

Va ti ti ho kambe vavasikati va nga txi wonetela va di kule; hagari ka vona a ti ti ho Mariya wa Magdhala ni Mariya, mame wa Jakobe wam'dotho, ni Joseti ni Salome.

Johani 19:31

Vajudha, ngako i nga ti ditshiku da kulongisela, kasiku sirumbi si si zumbi ha txihambanoni dotshe ditshiku da Sabbata, kha ditshuri ditshiku da Sabbata i ti da hombe ngutu, va to tsula veya kombela ka Pilato ti to ve funyetela minenge ya sirumbi, ve gwita ve si thavisa hale.

Johani 19:25

Hafuhi ni txihambano txa Jesu, a ti ti ho Mame wakwe ni mwanawe Mame wakwe, ene Mariya, msikati wa Kleyopasi, ni Mariya wa Magdhala.

Marku 16:8

Vona va to huma diyivani, ve tutuma ngu kudhudhumela ni kuxamala; kha va gela txilo m'thu, nguko va ti thava.

Marku 15:47

Mariya wa Magdhala ni Mariya, mame wa Joseti, va to wonisisa ahawa va nga mu kelela kona.

Marku 14:8

Ene a mahile ati a nga ti kota; a songolete kutotela mafura mmidi wangu kasi ku wu longisela kuya tshotshwa.

Marku 14:3

Se mbimo yi Jesu a nga ti Bhetaniya, m'tini ka Simoni, awule wa tshekela, na se va di ha sakudyani, a to ta wamsikati, a di ni txikadyana txa alabhastru, txi nga ti ni mafura o bhumula a nardhu ya yinene, yo dhula ngutu, se e faya txikadyana e thela mafura ha msungo ka Jesu.

2 Makronika 16:14

A to tshotshwa ka dithitha di a nga ti mahela Didhoropani ka Dhavhidha, va di mu otelisile ka mbhedo wo tala ngu kubhumula, ni makha si nga longiselwa ngu va va tizivako; ve mu hisela ni mabaselo o tala o bhumula ngutu.

Luka 23:54

I di ditshiku da kulongisela, na se ditshiku da Sabbata di txi khata kuhuma wuronga wa kutxa.

Marku 15:42

Mbimo yi ditambo di nga txi ya kuswani, ka ditshiku da kulongisela, ati ti wombako ditshiku di di gametwako ngu Sabbata,

Genesisi 50:2

Josefa a to leleta vadhokodhele va va nga ti mthumela, ti to va txi lulamisa mmidi wa tate wakwe, va txi wu totela mafura, se vona va totete mafura txirumbi txa Israyeli.

Marku 16:2

Ni mabimbi-kutxa ka ditshiku do khata ka divhiki, vona va to tsula diyivani, na se ditambo di txi txa.

Luka 24:1

Ngu ditshiku do khata da divhiki, ni mabimbi-kutxa, vavasikati va to ya diyivani, na va di ñote makha awa va nga ti longisete.