Marku 15:46 - Bhiblia Yo Sawuleka

⁴⁶ Sekoko, Josefa, msana ka kuva a di xavile dilasoro, a to thavisa mmidi wa Jesu ha txihambanoni, e wu phutela ngu dona, e wu veka diyivani, di nga ti ketwe ha dirigwini; se e wumbuluta txiwindi, a txi khubhunyeta ngu txona diyiva.

Marku 15:46 Referans Kwoze

Isaya 53:9

Se diyiva dakwe di to vekwa kumweko ni vaonhi, ni vanyatithombe, kufani kwakwe; hambi ku ene a nga si zivi kumaha to wekela, kambe kha phazama ngu txisofu txakwe.

Johani 11:38

Jesu a to engeta kambe, e karateka mu mbiluni, se e tshuketela hafuhi ka diyiva. I ti diphala di nga ti fenengetilwe ngu dirigwi.

Isaya 22:16

U ni txani hawa kani? Mwendo i mani u ku nayo hawa, aku u kelako dithitha, u kela ka wukhalo wo guleka dithitha dako, u ti mahela dizumbo upune amu ka dirigwi!

Luka 23:53

A to ya wu hawula, a txi wu phutela amu ka dilasori, a txi wu veka diyivani, di nga ti ketwe ha dirigwini, amuwa ku nga sanzi kutshotshwa m'thu.

Matewu 28:2

Se ku txi khata kuzinginikela ka hombe ka mafu, nguko Ngelozi ya Mkoma yi ti txhikile ngu nzumani yi ta wumbuluta dirigwi, yi khalahatsha txitimwi ka dona.

Marku 15:45

Konaho a to rumela kudhana nduna yile ya dizana, e yi wotisa ti taku a fite kale kani. Se ngako a di zivisilwe ngu nduna ya dizana, Pilato a to rumela ti to txirumbi txi na ningelwe ka Josefa.

Marku 15:47

Mariya wa Magdhala ni Mariya, mame wa Joseti, va to wonisisa ahawa va nga mu kelela kona.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Johani 20:1

Ka ditshiku do khata ka divhiki, ku di ngadi phum, Mariya, wa Magdhala, a to vindukela a txi ya diyivani, se a txi ya mana dirigwi di di thavisilwe ha diyivani.