Marku 15:45 - Bhiblia Yo Sawuleka

⁴⁵ Konaho a to rumela kudhana nduna yile ya dizana, e yi wotisa ti taku a fite kale kani. Se ngako a di zivisilwe ngu nduna ya dizana, Pilato a to rumela ti to txirumbi txi na ningelwe ka Josefa.

Marku 15:45 Referans Kwoze

Johani 19:38

Msana ka tiya, Josefa wa Arimateya, i nga ti mgondiswa wa Jesu, hambiko i nga ti kumahisa kusisala ngu kuthava Vajudha, a to ya kombela ka Pilato ti to e mu tumelela kuteka mmidi wa Jesu. Se Pilato a m'tumelete. Josefa a to tsula eya teka txirumbi.

Marku 15:39

Se nduna ya dizana, yile yi nga ti emile masoni kwakwe, ngako yi di woni ti a nga fisa tona, yi to diwuka yi txi kha yona: “Ngu ditshuri awuwa m'thu i ti Mwanana wa Txizimu!”

Matewu 27:58

Se a to tsula ka Pilato, eya kombela mmidi wa Jesu. Sekoko Pilato e rumela ti to mmidi wule wu ningelwa kwakwe.

Marku 15:44

Pilato a to xamala ngu kuengisa ti to Jesu se a fite.

Marku 15:46

Sekoko, Josefa, msana ka kuva a di xavile dilasoro, a to thavisa mmidi wa Jesu ha txihambanoni, e wu phutela ngu dona, e wu veka diyivani, di nga ti ketwe ha dirigwini; se e wumbuluta txiwindi, a txi khubhunyeta ngu txona diyiva.