Marku 15:43 - Bhiblia Yo Sawuleka

⁴³ Josefa wa Arimateya, i nga ti didhota da nduma ka Dibanza, awuwa nene a nga txi rinzela Mfumo wa Txizimu, a to tsanisa mbilu e tsula ka Pilato eya kombela txirumbi txa Jesu

Marku 15:43 Referans Kwoze

Luka 2:38

Nene a to bwaka ka txonetxo txikhati, a txi dhumisa Txizimu ni kuxawutela timhaka ta Mwanana ka votshe vale va nga txi verela kuhulukiswa ka Jerusalema.

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Luka 23:51

awu a nga ti sa pfana navo ka malamulelo awe ni mthumo wawe. I ti wa Arimateya, didhoropa da Vajudha, awu a nga ti rinzela Mfumo wa Txizimu.

Mithumo 17:12

Se vavangi hagari kwawe va to kholwa, kumweko ni vavasikati vo xonipheka va Vagriki, ni vavamna votala.

Johani 19:38

Msana ka tiya, Josefa wa Arimateya, i nga ti mgondiswa wa Jesu, hambiko i nga ti kumahisa kusisala ngu kuthava Vajudha, a to ya kombela ka Pilato ti to e mu tumelela kuteka mmidi wa Jesu. Se Pilato a m'tumelete. Josefa a to tsula eya teka txirumbi.

Matewu 27:57

Se ni minova a tile m'thu wokari wa Arimateya, i nga ti nyatithombe, awu a nga ti dhanwa ku i Josefa, awu nene i nga ti mgondiswa wa Jesu.

Vafilipiya 1:14

Wungi wa vanathu, va nga tsaniswa ka Mkoma ngu mhaka ya kusungwa kwangu, va engetetwe kutsana ngutu ve huwelela Dipswi, na va si thavi txilo.

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.

Marku 14:54

Pedro a ti ti mu londetela a di kule, kala e wulela digumani ka mphaxeli wa hombe, ahawa a nga ya khalahatsha kumweko ni mahalamu e wora mndilo.

Matewu 20:16

Se ngu toneto, ava i ku vo gwitisa va na va i di vo khata, ani va i ku vo khata va na va i di vo gwitisa.”

Matewu 19:30

Vavangi vo thanga va na va i di vo gwitisa, ani vavangi vo gwitisa va na i di vo thanga.”

Marku 15:44

Pilato a to xamala ngu kuengisa ti to Jesu se a fite.

Luka 23:50

Ku ti ti ho wamwamna, a nga ti dhanwa ku i Josefa, i nga ti txihango txa Dibanza, m'thu wamnene, na a di lulamile,