Marku 15:34 - Bhiblia Yo Sawuleka

³⁴ Sekoko ngu txikhati txa wutxhanu ni mune, Jesu a to huwelela ngu dipswi da hombe, a txi khene: “Eloyi, Eloyi, lama sabaktani,” ati ti wombako ku: “Txizimu txangu, Txizimu txangu, u ni lekete txani?”

Marku 15:34 Referans Kwoze

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Matewu 27:46

Kambe ngu txikhati txa wutxhanu ni mune, Jesu a to kwangula ngu dipswi da hombe, a txi khene: “Eli, Eli, lama sabaktani, kani?” Ati ti wombako ku: “Txizimu txangu, Txizimu txangu, u ni lekete txani kani?”

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Masalmo 71:11

va txi kha vona: “Txizimu txi mtshuralete; m'hingeni, mi mñola nguko, kha nga ho wo sikota ku m'hanyisa!”

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Masalmo 42:9

Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Luka 23:44

Ngu txikhati txo lava kudingana ni txa wutxhanu ni tximwetxo, txidema txi to khubhunyeta dotshe ditiko kala txikhati txa wutxhanu ni mune,

Sidilo 5:20

Ngu kutxani u txi zumbela ku hi divala, ni ku hi leka timbimo totshe kani?

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Marku 15:25

I ti txikhati txa wuraru, mbimo yi va nga mu bethela ha txihambanoni.

Marku 15:35

Vamwanyani ka vale va nga ti ti ho konaho, mbimo yi va nga mu engisa, va to womba va txi kha vona: “Engisani, ene a dhana Elija.”