Marku 15:21 - Bhiblia Yo Sawuleka

²¹ Se ve mana m'thu wokari, Simoni wa Kirene, tate wa Alexandre ni Rufo, a nga txi pinda a txi wuya ngu thembweni; ve mu kurumeta kupakata txihambano txa Jesu.

Marku 15:21 Referans Kwoze

Luka 23:26

Se mbimo yi va nga ti mu heleketa, va to kurumeta Simoni wa Kirene, a nga ti wuya ngu thembweni, va txi mu pakatisa txihambano, na a txi txi pakata ngu msana ka Jesu.

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

Varoma 16:13

Dingulani Rufo, mkristu wo zivaneka ngutu ka Mkoma, mi txi dingula ni mame wakwe, awu i ku mame wangu nani.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 2:10

va kuhuma Frigiya ni Panfiliya ni Egipta, ni va matiko a Libhiya, hafuhi ni Kirene, vawuyi va Roma,

Luka 14:27

Awu asi rwaliko txihambano txakwe, a txi ni londisa, kha sikoti kumaha mgondiswa wangu.

Marku 15:20

Msana ka kuva va di mu tseketsete, va to mu thavisa nguwo yile yo bhilivila, ve mu ambeka syambalo sakwe. Sekoko va to mteka kasi kuya mu bethela ha txihambanoni.

Johani 19:17

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

Matewu 5:41

Ngako m'thu a txi kukurumeta ku mu heleketa mnava wumwewo, mu helekete minava yimbidi.