Marku 15:10 - Bhiblia Yo Sawuleka

¹⁰ Nguko a ti tiziva ta ku vaphaxeli va hombe va mu ningete ngu livengo.

Marku 15:10 Referans Kwoze

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Matewu 27:18

Nguko a tiziva ti to va mu ningete ngu livengo.

1 Johani 3:12

Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.

Jakobe 4:5

Mwendo mi pimisa ti to mibhalo yo womba walo ngako yi txi womba tito: “Moya wu wu zumbako kwathu, Txizimu txi wu randa ngu txiluse, kani?”

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Genesisi 37:11

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

Marku 15:9

Pilato a wotisile a txi khene: “Mi lava ti to ni mi thukunyulela Mfumeli wa Vajudha kani?”

Marku 15:11

Vaphaxeli va hombe va to kujetela dibutho ti to ve kombela kuthukunyulwa Bharabhasi.