Marku 14:7 - Bhiblia Yo Sawuleka

⁷ Nguko sisiwana mi naso yotshe mbimo hagari kwanu, se mi nga sikota ku si mahela wunene ka dihi ni dihi ditshiku, ngako mi txi ti lava; aniko ani kha mi na mbi va ni nani yotshe mbimo.

Marku 14:7 Referans Kwoze

Dhewuteronome 15:11

Kha ku na mbi pwateka txisiwana ha ditikoni; ngu toneto, na kuruma ni khani: Nawuluta dianza dako ngu kutxhatxheka u vhuna mwananu, ni txikulungu txi txi ku ditikoni kwako.

Matewu 26:11

Kha ditshuri, sisiwana mi na va naso yotshe mbimo, kasi ani kha mi na mbi va ni nani yotshe mbimo.

Filimoni 1:7

Kha ditshuri, mwanathu, ni mani kutsaka ka hombe ni kuthavelelwa ngu mhaka ya lirando lako, nguko, mwanathu, timbilu ta vasawuleki ti tsanisilwe ngu ngawe.

Mithumo 3:21

awu nzuma yi fanelako ku mu amukela, kala kuza kuhoka mbimo ya kuwuseta sotshe si Txizimu txi nga si womba ngu sisofu sa votshe vaprofeti va txona vo sawuleka, va kale ni kale.

Johani 17:11

Ani kha ni nga ngadi ha ditikoni, kambe vona va ngadi sate ha ditikoni, se ani ni ta kwako. Tate wa kusawuleka, va xayise ditinani kwako, ava u nga ni ninga, kasiku va na maha mmweyo, nga athu hi ku mmweyo.

Johani 16:28

Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”

Johani 16:5

Konkuwa na tsula ka wule a nga ni rumela, kambe awalo ni wammweyo kwanu, a ni wotisako ku: ‘U ya hani, kani?’

Johani 13:33

Vanangu: Ani ni ngadi ni nanu txikhatianyana txidotho. Mi na ni lava, aniko, nga ti ni nga wombisa tona ka Vajudha, na nanu konkuwa na mi gela ku khani: ‘Ahawa ani ni yako kona, anu kha mi sikoti kuta kona.’

Marku 14:6

Aniko Jesu a to khene: “Mlekeni, mi mu karatela txani kani? Ene a ni mahete mthumo wa wunene.