Marku 14:64 - Bhiblia Yo Sawuleka

⁶⁴ Mi txi engisile txiruko! Mi wona to txani kani?” Votshe va to lamula ti to ene a fanetwe ngu kufa.

Marku 14:64 Referans Kwoze

Levhi 24:16

Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.

Johani 19:7

Vajudha va to xamula va txi kha vona: “Athu hi na ni mthetho, se ka wona mthetho wuwa, ene a fanela kufa, nguko a ti mahile Mwanana wa Txizimu.”

Johani 5:18

Ngu toneto, va to xota ku m'daya, i si nga ngu mhaka ya kundaka mlayo wa Sabbata dwe, aniko ngutu-ngutu ngu kuwa a nga khene Txizimu i Tate wakwe ngu wutumbu, e ti dinganisa ni Txizimu.

Luka 22:71

Sekoko va to kwangula va txi kha vona: “Hi ngadi hi txi na lava wufakazi wa txani kambe kani? Athu hipune ha mu engisa, a txi womba ngu txisofu txakwe.”

Dhewuteronome 21:22

Ngako m'thu wokari a di mahile txionho txi a fanelako kudawa ngu txona, e dawa a txi hayekwa mndongani kokari,