Marku 14:62 - Bhiblia Yo Sawuleka

⁶² Jesu a to xamula a txi khene: “Ngani. Kambe mi na wona Mwanana wa M'thu a di khalahatshile txineneni ka Nyamne wa Mtamo wotshe, na a txi ta ngu marefu a nzumani.”

Marku 14:62 Referans Kwoze

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Luka 22:69

Aniko kukhukhela ka yona yiya mbimo, Mwanana wa M'thu a na ya khalahatsha txineneni ka Txizimu txa mtamo wotshe!”

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Luka 23:3

Pilato a to mu wotisa, a txi khene: “Ina awe u Mkoma wa Vajudha kani?” Jesu a to xamula, a txi khene: “Ngawe u wombako tona tata!”

Marku 15:2

Pilato a mu wotisile ku khene: “Ngawe Mfumeli wa Vajudha kani?” Jesu a mu xamute a txi khene: “U womba tona.”

Matewu 27:11

Jesu a to yiswa masoni ka mfumeli Pilato, awu a nga mu wotisa a txi khene: “Ngawe mfumeli wa Vajudha kani?” Jesu a to xamula a txi khene: “U womba tona.”

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.