Marku 14:58 - Bhiblia Yo Sawuleka

⁵⁸ “Hi mu engisile a txi khene: ‘Ani ni na hasula Dithepele diya do mahwa ngu manza a vathu, se mndani ka masiku mararu, ni na aka dimwani do mbi mahwa ngu manza a m'thu.’ ”

Marku 14:58 Referans Kwoze

Vahebheru 9:11

Aniko Kristu, i ku Mphaxeli Wahombe wa silo sa sinene si si tako, a humelete ka ditenda da hombe da kuhetiseka, adiya di nga mbi mahwa ngu manza a m'thu, adiya i ku si nga da mtumbuluko wa ditikoni muwa.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Johani 2:19

Jesu a to xamula a txi khene: “Khundumusani Dithepele diya, ani ni na di wusa ngu masiku mararu.”

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Mithumo 7:48

“aniko Nyatxitimwi kha zumbi ka tinyumba to mahwa ngu manza a vathu, madingano ni kuwomba ka Mprofeti, a nga khene:

Marku 15:29

Ava va nga txi pinda va ti ti mu ruketela, va txi zinginika misungo yawe, va txi kha vona: “Ha! Awe u khundumusako Dithepele, u txi di aketa ngu masiku mararu.

Dhaniyeli 2:34

U ti ti wona eto mbimo yile ku nga wilwa dirigwi, ku si woneki dianza di di nga khundumusa txithombe ka mikondo ya sikete ni ya dibumba, txi txi koyolela.

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.

Matewu 26:61

ava va nga kha vona: “Awuwa m'thu a ti khene: ‘Ni nga sikota kukhundumusa Dithepele da Txizimu ni tshumela ni di aketa ngu masiku mararu.’ ”

Marku 14:57

Vamwanyani va to khukha ve mu mangalela ngu ku mu lumbeta, va txi kha vona:

Marku 14:59

Hambi keto, wufakazi wawe wu ti si pfani.