Marku 14:57 - Bhiblia Yo Sawuleka

⁵⁷ Vamwanyani va to khukha ve mu mangalela ngu ku mu lumbeta, va txi kha vona:

Marku 14:57 Referans Kwoze

Marku 15:29

Ava va nga txi pinda va ti ti mu ruketela, va txi zinginika misungo yawe, va txi kha vona: “Ha! Awe u khundumusako Dithepele, u txi di aketa ngu masiku mararu.

Matewu 27:40

“Awe u khundumuselako Dithepele da Txizimu, u txi di aketa ngu masiku mararu, ti hanyise ko! Ngako u di Mwanana wa Txizimu, txhika ngu ha txihambanoni!”

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Marku 14:56

Vavangi va to fakaza makuhu ngu ngene, aniko wufakazi wawe wu so hambana.

Marku 14:58

“Hi mu engisile a txi khene: ‘Ani ni na hasula Dithepele diya do mahwa ngu manza a vathu, se mndani ka masiku mararu, ni na aka dimwani do mbi mahwa ngu manza a m'thu.’ ”