Marku 14:55 - Bhiblia Yo Sawuleka

⁵⁵ Ti di mahile eto, vaphaxeli va hombe ni dotshe Dibanza va to lava wufakazi wo mangalela Jesu, kasi ve sikota ku m'daya, aniko va so wu pwata.

Marku 14:55 Referans Kwoze

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Masalmo 35:11

Tifakazi ta makuhu ti ni wukete, ti ni wotisile ngu timhaka ti ani ni nga mbi ti maha.

Masalmo 27:12

U nga ni ningele ka valala vangu, avale va ni wukelako ngu makuhu ve phika ku ni mahela tshofu.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

Marku 14:56

Vavangi va to fakaza makuhu ngu ngene, aniko wufakazi wawe wu so hambana.

Johani 18:19

Sekoko, mphaxeli wa hombe a to wotisa Jesu ngu mhaka ya vagondiswa ni kugondisa kwakwe.

Johani 18:21

U ni wotisela txani kani? Wotisa vale va nga engisa ti ni nga va gondisa; wona taku vona va tiziva ati ni khalako ku va gela.”