Marku 14:38 - Bhiblia Yo Sawuleka

³⁸ Wonelelani mi txi khongela, kasi mi si wuleli kudukwani; moya wa ti lava, aniko mmidi wa rereka.”

Marku 14:38 Referans Kwoze

Matewu 26:41

Wonelelani, mi txi khongela, kasi mi si wi kudukwani. Nguko moya wona wu tsani, aniko mmidi wa rereka.”

Matewu 24:42

Wonelelani, nguko kha mi di zivi ditshiku di a nota ngu dona Mkoma wanu.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Luka 22:40

Mbimo yi a nga hoka koneyo, a to va gela, a txi khene: “Khongelani kasiku mi si wi kudukwani.”

Luka 22:46

Se a txi khene kwawe: “Nji txani mi txi otela kani? Wukani, mi txi khongela, kasiku mi si wi kudukwani.”

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Marku 14:34

A to va gela a txi khene: “Moya wangu wu kuxanisekani ka hombe, ko nga ka lifo! Zumbani hawa mi txi wonelela.”

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Marku 14:37

Ngu msana, a to wuya kwawe, a ta va mana va di otete, se e womba ka Pedro a txi khene: “Simoni, wo otela kani? U tandekile kuwonelela txikhati txa tximwetxo kani?

Marku 14:39

Se a to tshumela kambe eya khongela, na a txi womba kambe oneyo mapswi a mamwewo.