Marku 14:37 - Bhiblia Yo Sawuleka

³⁷ Ngu msana, a to wuya kwawe, a ta va mana va di otete, se e womba ka Pedro a txi khene: “Simoni, wo otela kani? U tandekile kuwonelela txikhati txa tximwetxo kani?

Marku 14:37 Referans Kwoze

Matewu 26:40

Sekoko a di wuyile hafuhi ka vagondiswa a to va mana va di otete, se e womba ka Pedro a txi khene: “Mi tandekile ni kuwonelela txikhati txa tximwetxo ni nani kani?

Vahebheru 12:3

Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Matewu 25:5

Ku ti ngako mteki e swela kubwaka, tona ti to khata kukhudhahela ti otela.

2 Samuwele 16:17

Kambe Abhisalome a to khene ka Husayi: Ina ngu lona lirando lako li u randako mngana wako ngu lona kani? U lambete txani kutsula ni mngana wako kani?

Jeremiya 12:5

Ngako u txi palisana ni vathu ngu kututuma, ve kusiya, ina u nga palisanisa kutxani ni mahantxhi kani? U si nga ni kuzumbiseka ditikoni ko thutha, u nga mahisa kutxani txigotoni ka Jordhani kani?

Jona 1:6

Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.

Marku 14:36

A txi womba kambe ku khene: “ ‘Abba!’ Tata, totshe ta koteka kwako, thavisa digombe diya kule ni nani! Hambi keto, ti nga maheke nga kuranda kwangu, aniko ti na maheke ati awe u ti lavako.”

Marku 14:38

Wonelelani mi txi khongela, kasi mi si wuleli kudukwani; moya wa ti lava, aniko mmidi wa rereka.”