Marku 14:31 - Bhiblia Yo Sawuleka

³¹ Aniko ene a to engeta e tsanisa ngu mtamo a txi khene: “Hambi idiku to laveka kufa kumweko ni nawe, ani kha ni na mbi kulamba.” Se votshe va to wombisa toneto ni vona.

Marku 14:31 Referans Kwoze

Johani 13:37

Pedro a to khene kwakwe: “Mkoma, ni nga tandekisa kutxani ku kulondisa konkuwa kani? Ni na ningela wutomi wangu ngu kota yako.”

Eksodha 19:8

Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Jeremiya 10:23

Mkoma, na tiziva ti to nzila ya m'thu kha yi nga mtamoni kwakwe. Kambe m'thu kha sikoti kululamisa mazambo akwe.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

2 Vafumeli 8:13

Se Hazayeli a to wotisa a txi khene: Ina yova txani txithumi txako, txi pindako yimbwa, txo txi nga za txi maha timhaka ta hombe kani? Elixa a to xamula ku khene: Mkoma a ni kombile to awe u na va mfumeli wa Siriya.

Masalmo 30:6

Ani ni ti tipfa ni di tsani ni txi pimisa nokha ni txi khani: “Kha ni na mbi va ni kuxulwa.”

Matewu 10:33

Aniko awule a no ni lamba masoni ka vathu, nanani ni na mlamba masoni ka Tate wangu a ku nzumani.

Marku 14:30

Jesu a to mu xamula a txi khene: “Kha ditshuri na kugela ti to nyamsi, ka wona wusiku wuwa, na mkuku wu sinzi kuemba kambidi, awe u na ni lamba kararu.”

Marku 14:32

Se va to hoka ka wukhalo wu wu dhanwako ku i Getsemani. Konaho Jesu a to womba ka vagondiswa a txi khene: “Zumbani kona hawa, na nga ya khongela.”

Luka 23:23

Aniko vona va txi tamarisa ngu mapswi a kumaha diguwa, va txi kombela ti to a na bethelwe ha txihambanoni, kambe diguwa dawe di to xula.

1 Vafumeli 11:22

Sekoko Faro a to mxamula a txi khene: Se u pwata txani kwangu, u lava kukhukha u tsula m'tini kwako kani? Ene a nje khene: Hi nga txilo, hambi keto, ni thuse.

Marku 10:39

Se vona ve xamula va txi kha vona: “Ina! Hi nga sikota.” Se Jesu a nje khene kwawe: “Digombe di ani ni no sela ka dona, na nanu mi na di sela, ni txibhabhatiso txi ni no txi amukela, na nanu mi na txi amukela.