Marku 14:24 - Bhiblia Yo Sawuleka

²⁴ Ene kambe a va gete a txi khene: “Asiya mnoha wangu, mnoha wa txitumelelano, awu wu theketelwako vavangi.

Marku 14:24 Referans Kwoze

Eksodha 24:8

Sekoko Mosi a to teka mnoha a txi wu xwayela txitimwi ka vathu, na a txi womba, a txi khene: “Awuwa mnoha wa txitumelelano txi Mkoma a nga txi maha ni nanu, ngu kulondisa otshe mapswi ale a nga ma womba.”

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

1 Vakorinto 11:25

A txi mahisa toneto, msana ka kulalela, a to teka digombe, a txi khene: “Digombe diya njitumelelano txa txiphya txi mahwako ngu mnoha wangu. Sotshe sikhati si mi no sela digombe diya, mi na ti mahela ku ni alakanya.”

1 Vakorinto 10:16

Digombe da kukatekiswa, adi hi di katekisako, ina hi nga ku ti tshanganisa ni mnoha wa Kristu, kani? Ni dona dipawu di hi bhandako, hi nga kona kutshangana ni mmidi wa Kristu, kani?

Johani 6:53

Jesu koko a to khene kwawe: “Ngu ditshuri, ngu ditshuri, na mi gela, ni khani: Ngako mi si dyi mmidi wa Mwanana wa M'thu, ni kungako mi si seli mnoha wakwe, anu kha mi na mbi va ni wutomi mndani kwanu.

Marku 10:45

Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Jeremiya 31:31

Wona taku, mata masiku, kuwomba Mkoma, aawa ni no maha txitumelelano txatxiphya ka ona, ni nyumba ya ka Israyeli, kumweko ni nyumba ya ka Judha.

Marku 14:23

Ngu msana a to teka digombe a txi bonga, a txi va ninga. Votshe va sete ngu dona.

Marku 14:25

Kha ditshuri na mi gela ni khani: Kha ni na mbiswa ni txi sela kambe mihando ya m'vhinya kala ditshiku dile ni no ya yi sela yi di yiphya Mfumoni ka Txizimu.”

Luka 22:20

Msana ka kuva va di lalete, a to mahisa toneto kambe ngu digombe a txi khene: “Digombe diya Njitumelelano txa Txiphya ka mnoha wangu, wu no theketwa ngu kota yanu.