Marku 14:21 - Bhiblia Yo Sawuleka

²¹ Kha ditshuri Mwanana wa M'thu a tsulisa ti ti nga bhaliswa tona ngu ngene. Aniko dikhombo da wule a no ningela Mwanana wa M'thu! I ti ta tinene kwakwe eyo m'thu, idiku a sa nga va ni kuvelekwa.”

Marku 14:21 Referans Kwoze

Johani 19:28

Msana ka tiya, ngako Jesu a di woni ti to totshelele ti gumile, ni kufela kambe ku na tatiseka dipswi da Mibhalo, a to khene: “Nina ni ditora.”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Mithumo 4:27

“Kha ditshuri va buthanile ka didhoropa diya Herodha ni Ponsio Pilato, ni vamatiko ni tixaka ta Israyeli, ve wukela txithumi txako txo sawuleka, awu u nga mu maha Mesiya.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Mithumo 1:25

kasiku e teka wukhalo wa Judha, mthumoni ka wupostoli, awu a nga wu leka e tsula mu kulumbako ene.”

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Matewu 26:54

Se yi na tatisekisa kutxani Mibhalo yi yi wombako ti taku: Totshe tiya ti fanela kumaheka?”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

Masalmo 55:15

Lifo li na kanganyise valala vangu! Va na relele va txi hanya ditikoni ka vafi, nguko wubihi wu akile timbiluni kwawe.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Luka 22:22

Mwanana wa M'thu a longoloka ngu nzila yakwe kota nga ti ti nga sikeliswa tona; aniko dikhombo da wule a ningelwako ngu ngene!”

Marku 14:49

Otshe masiku ni ti kumweko ni nanu Dithepeleni, ni txi gondisa, kambe kha ma ni ñola; aniko se yi fanela kutatiseka Mibhalo.”

Marku 14:20

Kambe ene a to va xamula a txi khene “I mmweyo wa va digumi ni vambidi, awu a tsunulako mbiyani kumweko ni nani.

Marku 14:22

Mbimo yi va nga ti ha sakudyani, ene a to teka dipawu, a txi di katekisa, a txi di bhanda, a txi va ninga, a txi khene: “Tekani, asiya mmidi wangu.”