Marku 14:2 - Bhiblia Yo Sawuleka

² Aniko va txi womba tiya: “Kha kulaveki ku ti maha hagari ka msaho, vathu va nga wusa dizunga.”

Marku 14:2 Referans Kwoze

Johani 12:19

Vafarisi koko va to gelana, va txi kha vona: “Hi nga wonani! Athu kha hi na mbi kota txilo. Ma ti wona ti to ditiko dotshe di londetela ene.”

Johani 7:40

Sekoko vavangi hagari ka dibutho, ku ti ngako va di engisile dipswido, va to womba, va txi kha vona: “Kha ditshuri, awuwa i Mprofeti.”

Luka 20:6

Se ngako hi txi khathu: Ku humile ka vathu, ditiko dotshe di na hi balisela ngu marigwi, nguko votshe va kholwa ngutu ti to Johani i ti mprofeti.”

Marku 11:32

Aniko, ngako hi txi khathu: ‘Wu ta ngu ka vathu!’ ” Va ti thava vathu, nguko votshe va ti kha vona, ngu ditshuri, Johani mprofeti.

Marku 11:18

Kambe vaphaxeli va hombe ni vabhali, ngako ve mu pfa na a txi womba tiya, va to lava marindi ya tiya va no m'dayisa tona, kambe va to mu thava, nguko dibutho dotshe di ti xamala ngu kugondisa kwakwe.

Matewu 26:5

Aniko va ti ti kha vona: “Ti nga mahwe tiya ha m'busoni, ku nga wuka mazunga hagari ka vathu.”

Sidilo 3:27

Ndinene ngako m'thu a txi gonda kurwala sikarato i di ngadi mphya;

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Mavingu 19:21

Mbiluni ka m'thu ku ni timhaka tatingi, aniko txileleto txa Mkoma txi na zumba yotshe mbimo.

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Marku 14:1

Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Marku 14:3

Se mbimo yi Jesu a nga ti Bhetaniya, m'tini ka Simoni, awule wa tshekela, na se va di ha sakudyani, a to ta wamsikati, a di ni txikadyana txa alabhastru, txi nga ti ni mafura o bhumula a nardhu ya yinene, yo dhula ngutu, se e faya txikadyana e thela mafura ha msungo ka Jesu.

Luka 22:1

Ngako wu nga ti hafuhi M'buso wa mapawu o mbi tshumbelwa, wu dhanwako ku i Pasika,