Marku 14:12 - Bhiblia Yo Sawuleka

¹² Ka ditshiku do khata da M'buso wa mapawu o mbi tshumbelwa, i ku ditshiku da kubhawa Txinvutana txa Pasika, vagondiswa va to mu wotisa va txi kha vona: “Ngu hani u lavako ku hi ya kulongisela kudyela kona Pasika kani?”

Marku 14:12 Referans Kwoze

Eksodha 12:18

Ka mtxima wo khata, ka ditshiku da digumi ni mune da mtxima, ni minova, mi na dya mapawu o mbi tshumbelwa kala ni minova ya ditshiku da magumi mambidi ni dimwedo ka mtxima wonewo.

Eksodha 12:6

mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Eksodha 12:8

Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Dhewuteronome 16:5

U nga mahe mphaxo wa Pasika, amu ka madhoropa ale Mkoma, Txizimu txako, a no kuninga,

Marku 14:1

Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Marku 14:11

Vona va di engisile ti a nga womba, va to tsaka, ve mu thembisa ku mninga male. Se ene a to lava mbimo ya yinene kasi ku mningela ngu yona.

Marku 14:13

Konaho ene a to rumela vambidi ka vagondiswa vakwe, a txi va gela ku khene: “Tsulani didhoropani, se mi na ya manana koneyo ni wamwamna, a di rwate lidhuwa la mati. Mu londiseni.