Marku 14:11 - Bhiblia Yo Sawuleka

¹¹ Vona va di engisile ti a nga womba, va to tsaka, ve mu thembisa ku mninga male. Se ene a to lava mbimo ya yinene kasi ku mningela ngu yona.

Marku 14:11 Referans Kwoze

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.

2 Vafumeli 5:26

Aniko Elixa a to khene: Khu ti zivi taku mbilu yangu yi ti ti ni nawe, mbimo yile awule wa wamwamna a nga txhika ngu mu ka txikotxikani e kuhingeta kani? Ina i ti ti yona mbimo ya ku va u di tekile silivhela ni kuteka syambalo, ni miolivha, ni mivhinya, ni tinvuta, ni tihomu, ni sithumi sa txiwamna ni sa txisikati kani?

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

Matewu 26:14

Sekoko konako, mmweyo wa vale va digumi ni vambidi, a dhanwako ku i Judha Iskariyoti, a to ya ka vaphaxeli va hombe, a txi ya khene:

Marku 14:10

Sekoko, Judha Iskariyoti, mmweyo wa va digumi ni vambidi, a to tsula ka vaphaxeli va hombe kasi kuya mningela kwawe.

Marku 14:12

Ka ditshiku do khata da M'buso wa mapawu o mbi tshumbelwa, i ku ditshiku da kubhawa Txinvutana txa Pasika, vagondiswa va to mu wotisa va txi kha vona: “Ngu hani u lavako ku hi ya kulongisela kudyela kona Pasika kani?”

Luka 22:3

Se Sathani a to wulela mbiluni ka Judha, awu a dhanwako ku i Iskariyoti, i nga ti mmweyo wa vale va Digumi ni Vambidi.