Marku 14:1 - Bhiblia Yo Sawuleka

¹ Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Marku 14:1 Referans Kwoze

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 11:47

Se vaphaxeli va hombe ni Vafarisi va to tshangana, va txi kha vona: “Hi na maha txani ngu m'thu wuwa, eko a mahako sidiwukiso so tala, kani?

Matewu 12:14

Aniko Vafarisi va to huma veya txikungoni kasi kuya langana ti to va na m'dayisa kutxani.

Matewu 6:2

“Ngu konaho, ngako u txi ha sisiwana, u nga thuke u txi veta mpundu masoni kwako, nga ti va mahako vaxengeteli masinagogani ni tinzilani, kasiku ve dhumiswa ngu vathu. Kha ditshuri ni khani kwanu: Va amukete ditshungulo dawe.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Masalmo 52:3

U dhunda wubihi kupinda wunene, u dhunda makuhu kupinda ditshuri.

Genesisi 37:18

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

Eksodha 12:1

Ditikoni ka Egipta, Mkoma a wombile ka Mosi ni ka Aroni, a txi khene:

Marku 14:2

Aniko va txi womba tiya: “Kha kulaveki ku ti maha hagari ka msaho, vathu va nga wusa dizunga.”

Marku 14:12

Ka ditshiku do khata da M'buso wa mapawu o mbi tshumbelwa, i ku ditshiku da kubhawa Txinvutana txa Pasika, vagondiswa va to mu wotisa va txi kha vona: “Ngu hani u lavako ku hi ya kulongisela kudyela kona Pasika kani?”

Mithumo 12:4

Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Levhi 2:6

U na bhandisela ngu sikhwemu, u txi si thela mtona; mningelo wa sakudya.